الأخطاء الشائعة الي بتواجهنا في البيت ,العفش مش بيتنفس لما نلزقه في الحيطة (1)
البيت المريح مش ديكور غالي… ولا أثاث كتير
Table of Contents
خطأ شائع بنعمله في بيوتنا من غير ما ناخد بالنا
المقدمة :
البيت المريح مش ديكور غالي… ولا أثاث كتير – العفش
كتير مننا وهو بيجهّز بيته، أول حاجة بتخطر على باله:
“خلي العفش لازق في الحيطة عشان أوفر مساحة”
والفكرة شكلها عملي، بس الحقيقة إن ده واحد من أكتر الأخطاء الشائعة اللي بتأثر على البيت، والعفش، وصحتنا من غير ما نحس.
البيت زي الكائن الحي… لازم يتنفس،
والعفش كمان محتاج مساحة حوالينه عشان يعيش أطول ويفضل شكله حلو.
مقارنه بين الفرش الي بيتنفس والفرش المخنوق :
1 -مسافه كافيه بين الكنبه والحيطه
2- مسافه كافية بين الفرش والفرش
3- مسافه كافية بين السفره والكنب
4- مسافه كافية بين البار والحيطة
5 – ممر حركة مناسب
1 -مسافه غير كافية ضيقة بين الكنبه والحيطه يشعر بضيق
2- مسافة ضيقه بين الكنبه والحيطه
3- مسافه غير كافية بين الفرش والفرش
3- ممر حركه ضيق غير كافي
4- مسافه ضيقه بين الفرش والحيطه
5 – مسافه ضيقه بين الفرش والفرش والفرش والحيطه
يعني إيه العفش بيتنفس؟
مش تنفس بالمعنى الحرفي
لكن المقصود إن:
الخشب أو القماش ما يتلفش بسرعة
الهواء يلف حوالين العفش
الرطوبة ما تتحبسش
الحيطة ما تتكتمش
خطأ شائع بنعمله في بيوتنا من غير ما ناخد بالنا
عدم إعادة ترتيب البيت كل فترة
أحيانًا مجرد تغيير أماكن بعض القطع بيخلي البيت أوسع وأريح من غير أي تكلفة.
لزق العفش في الحيطان
ناس كتير بتفتكر إن لزق الأثاث في الحيطة بيدي مساحة أكبر، لكن الحقيقة إنه بيمنع التهوية وبيحبس التراب والرطوبة خلف القطع الكبيرة.
عدم ترك مسافات بين قطع الأثاث
لما الكنب والترابيزات والدواليب يكونوا لازقين في بعض، الحركة بتبقى صعبة والمكان بيظهر مزدحم جدًا.
كركبة البيت بكثرة القطع
وجود قطع كتير من غير احتياج بيخلي البيت ضيق ومش مريح بصريًا، حتى لو المساحة كبيرة.
سد الشبابيك أو البلكونة بالعفش
ده بيمنع دخول الضوء الطبيعي والهوا، وبيخلي البيت مكتوم ومعتم.
تجاهل الزوايا الفارغة
الزوايا لو اتوظفت صح ممكن تتحول لمساحة تخزين أو ديكور بدل ما تبقى مهملة.
اختيار حجم عفش أكبر من مساحة الغرفة
كنبة كبيرة أو سفرة ضخمة في أوضة صغيرة بتخنق المكان وتقلل الحركة.
عدم التنضيف خلف الأثاث
المناطق دي بيتجمع فيها تراب وحشرات وممكن تسبب ريحة غير محببة.
استخدام ألوان كثيرة ومشتتة
ألوان كتير في الفرش والحوائط بتخلي البيت شكله مزعج ومكركب.
الإضاءة الضعيفة
إضاءة قليلة بتخلي المكان أضيق وأغمق حتى لو هو مرتب.
تفاصيل مهمة الناس بتغفل عنها :
السرير لازق في الحيطة؟
ده أسوأ اختيار، لأن المرتبة بتمتص رطوبة الجسم.
الكنبة على حيطة خارجية؟
لازم مسافة أكبر شوية.
الدولاب الكبير؟
يفضّل يكون مرفوع سنة عن الأرض ومعاه فراغ خلفي.
شقق الدور الأرضي أو القريبة من البحر؟
المسافة هنا مش رفاهية… ضرورة.
مميزات انك تسيب مسافة بين الفرش والحيطة :
منع الرطوبة والعفن
خصوصًا في البيوت اللي فيها رطوبة أو حيطان خارجية.
الحفاظ على العفش
الخشب ما يورمش
القماش ما يكتمش
والجلد ما يقشرش
الحيطان تفضل أنضف
مفيش بقع سودا
ولا تقشير دهان
ولا ريحة مكتومة
إحساس بالراحة والمساحة
حتى لو المسافة صغيرة (5–10 سم) بتفرق جدًا في شكل البيت.
عيوب انك تلزق الفرش في الحيطة :
عفن ورطوبة مخفية
بتبان متأخر، بعد ما تكون المشكلة كبرت.
تلف في ظهر العفش
وده أكتر جزء بننساه لأنه مش ظاهر.
ريحة وحشة في الأوضة
خصوصًا في الدواليب والكنب والمراتب.
صعوبة التنضيف
تراب متراكم + حشرات أحيانًا.
الخاتمة :
يمكنك الاطلاع علي المقال التالي :
الأخطاء الشائعة الي بتواجهنا في البيت ,العفش مش بيتنفس لما نلزقه في الحيطة (2)
لو حابب تعرف تفاصيل اكتر يمكنك الاطلاع علي :
instagram.com/reel/DSVT-u4iHFp/?igsh=MTg5ZThoZmNwZXpyeg==
المراجع :
يمكنك الاطلاع علي :
instagram.com/reel/DSVT-u4iHFp/?igsh=MTg5ZThoZmNwZXpyeg==
https://www.decoist.com/common-furniture-arrangement-mistakes-and-how-to-fix-them
https://www.homesandgardens.com/interior-design/furniture-arranging-mistakes?utm
https://www.marthastewart.com/furniture-arranging-mistakes-living-room-11917299?utm_
يمكنك الاطلاع أيضاً علي :
أسس تصميم غرفة الاجتماعات (1) 2023 – Meeting Room
أسس تصميم المطاعم (1) 2023 – Restaurant Design – Fundamentals for the best interior design
أسس تصميم المولات التجارية (أنواع المولات و معايير التصميم التخطيطي) 2023أسس تصميم غرفة الاجتماعات (1) 2023 – Meeting Room
أسس تصميم المطاعم (1) 2023 – Restaurant Design – Fundamentals for the best interior design
أسس تصميم المولات التجارية (أنواع المولات و معايير التصميم التخطيطي) 2023
